PENNOD 8 / EPISODE 8 - FINALE!

SCROLL DOWN AND READ MORE>> FOR ENGLISH

BLOG PENNOD 8

1 diwrnod ynghynt…

Co’ ni off… Amser i Pat i fynd â’r sbwriel allaNAAAAA! Pam mai Pat sy’n ffeindio gwenwyngac Beti?? Paid â chael dy demptio gan y ceirios ‘na Pat… Wy wastod wedi gweld rhywbeth digon creepy am geirios glacé. Od.

Richard druan yn sâl swp. Iaith ryngwladol y teledu am ‘Mae’r cymeriad hwn/hon yn feichiog’. Falle fod mwy o gyfrinache ar Crud-yr-Awel nag oedden ni’n meddwl? Naill ai hynna neu fod bwyd Sali mor sâl â’i sgyrsie rownd y ford…

“PAT! PAAAAT!!”

Ah wrth gwrs, “PAAAT!” yw’r “LINDAAA!” newydd. Ma’ Pat ishe £20,000 i nôl charger Tony. I fod yn deg, dy’n nhw ddim lot chepach o’r Apple store. Hang-a-dang… Faint oedd y person anhysbys yn gofyn i Gruff am?

Ma’ Ben wedi dod ato’i hun go iawn drwy’r gyfres ‘ma, a wy’n rili falch. Mae e’n ddi-origami erbyn hyn wedi’r cyfarfodydd Origami Anonymous a mae ‘na obaith bach iddo fe ag Alex.

Ma’ Jac y Jwc wedi gweld dyddie gwell, do?

"O Sali Mali, tydi petha' heb fod yn dda iawn yn ddiweddar HO HO!"

BETH?! Conspiracy rhwng Bobo a Richard, a ma’ Richard wedi holi os yw Bobo “wedi cael gwared ar y corff”… Sa’i wir yn credu y base Bobo yn neud hitman da iawn. Bach yn dwp.

Fel pennod o Doctor Who, mae Beti yn raddol yn troi i fewn i un o’r dolie hunllefus sy’n llenwi’r lolfa. Ond dyma Ben o’r diwedd yn dod ar draws hen laptop Gruff wedi’i losgi! Dyma ni’n agosau at y gwirionedd.

“PAT! PAT!!”

Pat…?! Ow. Em. Jî. Nid Patricia mo hwn…

Ow. Em. Jî 2. Ma’ Jan yn fyw. Hir oes Jan…

A ma’ ‘na bartneriaeth newydd rhyngddi hi a Bobo. Arian a dirgelwch. Ond do’dd Richard ddim yn disgwyl ‘i bod hi nôl, ma’n debyg… 

Ma’ Caroline yn poeni am Bobo. Paid â phoeni, bach, os nad oes rhyuwn arall wedi trefnu’r hit ar Bobo, na’i neud e’n hunan. O, dyma fe, a Caroline yn dangos i ni gyd fod ganddi gloch ym MHOB dant. Ond be ddiawl sy’n bod ar ei brawd?

*ring ring*

Ma’ Ben wedi llwyddo (sut ddiawl??) i gael bach o wybodaeth oddi ar y laptop wedi’i ffrio, ac yn gwybod pwy oedd yn bygwth Gruff. NA!! Drama bois… JYST pan oedden ni’n meddwl fod gobaith iddyn nhw. Gytid.

Ma Richard yn edrych fel tase fe ‘di gweld ysbryd, ac yn mynd i lefen yn y bathrwm. Neu falle fod e’n siomedig fod e heb jyst mynd â’r teulu i’r archau aur am swper. Lot chepach, ond ych-a-fi.

Y DIWRNOD OLAF…

Llythyr i Sali’n cyrraedd… Ac ynddi USB… C’mon Sali, paid a’n cadw’n aros!

Pat a cêc, Pat a cêc, rho fe i Tone,

Pat a cêc, Pat a cêc, peidiwch â sôn,

Pat a cêc, Pat a cêc, drychwch y mess,

Pat a cêc, Pat a cêcOMAIGODPAIDABLYDIBYTAHWNAAAA!!

Dyna be’ oedd ar yr USB… Fideo o sgwrs Richard a Bobo. Ma Sali’n gwbod y gwir. Falle neith hynna’i neud hi ychydig yn chwer… O na. A CERIAN sgwennodd y llythyr am affêr Richard a Rachel… Ac o’dd ei thad YN cael affêr… A ma hyn i gyd yn ormod i fi, fi angen lie-down!

Pwy sy’n dweud y gwir??

Un peth ‘wy YN ei wbod: dyw Richard ddim yn dda iawn yn paco cês.

A dyma ni nawr yn darganfod y gwir am Rachel, am Mark a’i affêr, am y gwir reswm tu ôl ei hunan-laddiad… Mae holl waith, holl gynllun Jan wedi bod yn dipyn o wastraff. Blydi hel, rhaid bo hi’n gytid am yr holl rhent ma’i ‘di talu am y tŷ ‘na. Dyw hi heb hyd yn oed dadbacio dim byd ‘na.

Ma’ Tony mewn tipyn o stâd. Ddim AR Tipyn o Stâd. Pwps ym mhobman. A nawr wy’n sylwi ar ‘i hot pants bach e. Neis, Tony, neis.

‘Dwi ddim yn gweld dyfodol hapus iawn i Huw a Caroline ar ôl iddi ddarganfod ei ‘frad’. Ond o leia ma’ ganddo ddyfodol disglair yn modelu i gatalog Kays.

"Hi. Fi 'di Huw... A dyma 'casual'..."

Ma’ popeth ar fîn cico off! Ceir a faniau du ym mhobman!

Jan a Bobo a Cerys a Mark a Caroline yn y gegin gyda gwaed ar y gyllell a GWAED AR Y GYLLELL fflipin eck! 

O’r diwedd ma’ Tony’n teimlo’n ddigon hael (wel) i gynnig yr arian i Pat. Ond sori, Tony, ma’i lawer rhy hwyr. 

Tipyn o sefyllfa draw yng ngegin Jan, ond gyda thipyn o “calm down, calm down” tactics ma’ Cerys yn saff. Ond neith Jan-neu-Becky byth o’i gweld hi eto. Arwyddocaol.

Jyst i ddweud, wy’ newydd wylio tan y diwedd gyda ‘ngwyneb yn fy nwylo. Blydi hel. A chryfach. 

A nawr y’n ni wedi gweld pwy gripiodd yn smic i fewn i’r gegin a phigo’r arf o’r llawr a lladd Jan. A wy’ wedi ‘nhemtio i beidio’u henwi nhw fan hyn, JYST rhag ofn bo chi heb wylio. Achos os nad y’ch chi di gwylio fe BLYDI GWYLIWCH E MAE E’N IMMENSE!

A dyma ni. Y diwedd. Ond yng ngwir draddodiad y gyfres, mae ‘na gwestiynnau ar ôl. A gewn ni fyth atebion? Pwy a wyr.

Y deigryn olaf un

Diolch am ddarllen dros yr wythnose dwetha, diolch am ail-drydar ac ymateb, a gobeithio y deith mwy o ddrama Cymreig YMEISING fel hyn yn fuan iawn.

#hint

#comisiwnplisdiolch

#jôc

#hannerjôc

#nosda

#35diwrnod

@35diwrnod

@alunsaunders

HŴDYNIT / WHODUNNIT

SCROLL DOWN AND READ MORE>> FOR ENGLISH

PRE-BLOG PENNOD 8

Alla’i ddweud yn hollol onest, yn ddi-flewyn-ar-wotsit, ‘mod i heb fod mor egseitid â hyn am ffinâli cyfres ddrama ar S4C am amser maith, maith…

Ma’ S4C wedi bod yn y newyddion wythnos ‘ma gan fod ffigyrau gwylio i lawr yn ystod yr oriau brig/bîg - gyda drama o safon ffantastig yn ôl ar y sianel (35 Diwrnod, Y Gwyll/Hinterland, Gwaith/Cartref) ‘wy wir yn credu fod gyda ni reswm i fod yn gyffrous ac yn browd o’n sianel unwaith eto. Ta beth…

HŴDYNIT?!

Pwy laddodd / laddith Jan? DIM SPOILERS yma, wy’n addo, dim ond barn:

RICHARD - yn grac bo Jan / ‘Becky’ wedi bod yn ysbïo arno’r holl amser, ac yn gyfrifol am roi ei ferch, Cerian, yn yr ysbyty? 8/10

SALI - Am resymau tebyg i’w gŵr, Richard, ond hefyd am ei bod yn chwerwach na Lady Macbeth mewn bath o finegr yn sugno saith lemwn. Fy ffefryn am y drosedd. 9/10

JAC - Ddim wir wedi dod i gysylltiad ryw lawer 'da Jan, ac er iddi fod efallai’n gyfrifol am roi ei chwaer yn yr ysbyty, geiriau Jac ei hun oedd “…shit happens…” Smo fe’n becso. 2/10

CERIAN - Wedi bod yn trïo’i gorau i agosau at Jan ers tipyn. Ishe datgelu’r gwirionedd neu oes mwy i’r stori tybed? A nawr ma’n bosib fod ganddi reswm da i’w chasau hi… 5/10

CAROLINE - Ma’ Caroline yn fyr iawn ei thymer a byth wedi cuddio’i chasineb a’i amheuon tuag at Jan. Digon i’w lladd, tybed? 6/10

BOBO - Y dihiryn ‘naeth neidio lan yng nghefn car Jan ar ddiwedd y bennod ddwetha… Be’ ddigwyddodd yn y car a pam? 5/10

HUW - Wy’n aros i lefelau stress Huw i gael effaith go wael ar ei iechyd, ond ‘dwi’n meddwl ei fod yn canolbwyntio mwy ar gael Billybob Bobo allan o’i gartref cyn neb arall. 3/10

BEN - Ma’ Ben wedi bod ar daith ddramatig hynod ddiddorol drwy’r gyfres i fi. Mae e’n drwgdybio mai Jan oedd yn blackmailio’i dad, Gruff, gafodd drawiad a marw. Ma ganddo’r motive… 6/10

BETI - Mae’n gallu cwco cacen gythryblus, a dyw hi ddim wedi bod yn holliach ers ymhell cyn i’w gŵr i farw. Yn sicr am waed Jan… 7/10

LINDA - Ma’ Linda ‘di mynda. Neu odyw hi? 1/10

TONY - Ymm wy’n credu bo Tony (sy’n eitha caeth i’r gwely) a PAT ar eu hantur eu hunain ac wedi colli diddordeb yn Jan… 1.5/10

"Cofia, Tony, os wy'n marw... Ti'n marw..."

Ma’n amser ffindo mas am 9 o’r gloch nos yfory ar S4C… 

#35diwrnod

@35diwrnod

@alunsaunders

PENNOD 7 / EPISODE 7

SCROLL DOWN AND READ MORE>> FOR ENGLISH

BLOG PENNOD 7

Ma pethe’n cyffrou ar stâd Crud-yr-Awel bois bach!

3 diwrnod yngynt… (diddorol - ynghynt, nid yng nghynt nawr ife?)

WAA! Ma’ Ben wedi’i ddihuno gan hunllef… Neu gan y soddgrythwr sydd wrthi’n tiwnio yn y bathrwm. Falle mai Beti sydd wrthi’n ymarfer? Ond na, ‘sna ddim golwg ohoni. 

Ah ie dyma fe, ac ym, dylser byth chwerthin ar anffawd rhywun arall, ond OMG, Tony mewn dau gast? HAAA!! “LindAAAAA!!”

Falle dylse fe gael cloch fach.

Ma’ Jan yn joio’i car-chases, a nawr ma’n ymddangos ei bod hi am gael un arall, gyda Richard y tro hwn.

Diddorol, ma Linda wedi cael cynnig ‘audition’ arall… Ond pan mae’n dweud ‘audition’, sai’n credu mai ‘audition’ ma’ hi wir yn ei feddwl…

Hwrêêê ma’ Melodi nôl, ond yn siomedig iawn, ma’ rhywun wedi rhoi olew ar olwyn ei beic ers pennod un. Lot llai creepy erbyn hyn.

Grêt i weld bo cymeriad hyd yn oed llai hoffus na Tony wedi cyrraedd y stâd. Helo ‘Bobo’. Anghyfrifol ac esgeulus, ma’ angen shiglad go iawn ar hwn. Wy’n gwbod pwy ddeith i’r fei…

Ar ôl wythnosau o Jan yn holi a chroesholi, yn chwilio am atebion, nawr mae Richard ar mission ac wedi cyrraedd drws Mark (aka Boi y Gwn). ‘Sen i’n tybio mai nyce Mark ni nath e, reit, oblegid ma’ Mark ni’n gw’boi. 

Yn ôl y sôn.

Ydy Jan wedi rhaffu gormod o gelwyddau, neu wedi’i chlymu hi’i hun fewn i wê rhy gymhleth erbyn hyn? Stand-off! Stand-off, a bygythiad gan Richard… 

Cwôt y gyfres gan Ben aka Mr Craff: “Ma’ rhywun yn deud celwydd…”

Ie, da iawn boi.

Druan â Tony, yn gaeth i’r gwely yn ei blasters. Gobeithio cewn ni’i weld e’n cerdded o gwmpas y tŷ  fel’na… Yn wadlan… Plis gewn ni? Plîs, plîs, plîîî… Na sa’i moun gweld Bobo yn y bath! NA! SA’I MOUN! NAAAAAAA!!

*bleurgh*

Mae’n nôs yng Nghrud-yr-Awel. A ma Stan ar fîn dod draw at Sali a Richard am dinner party. Ma’n amlwg bo’ rhain yn cynnal ciniawau gyda gwahanol westeion bob tro - wedi gweld pa mor anodd mae’r sgwrs dros y ford ginio, ma’n anodd dychmygu y base unrywun awydd dod nôl…

#boring

Sali’n llwyddo i neud i Richard edrych fel ffŵl… Bron iddo ddefnyddio’r tray arian ‘na fel arf fynna, weles i.

Edrych felse Bobo ishe dod mewn i’r parti… Achub dy hun Bobo… PAID A BODDRAN!

Ma’ gan Jan gwmni ac… O!! Cerian ife? Tybed am be’ ma’ nhw’n siarad am yr holl oriau maen nhw gyda’i gilydd?

O, Linda. Y dorth.

“Pat… Bydde fe’n neis bo ti’n cael cariad…”

Wrth gwrs base fe. Ti ‘di trïo bod yn fenyw trawsrywiol yn chwilio am gariad, lyf? This ain’t about Pat and yooooo knows it! Ma pethe’n ddrwg yn seion rhwng Pat a Lynda, i’r radde bo Pat yn trïo sbwylo’r ffilm ma’ nhw’n gwylio.

Mae Beti. Yn eithriadol. O dawel. Ni ddeallaf. 

Cerian wedi’i ffeindio yn gorwedd yn y stryd gan yr heddlu?? Ai dyma ffordd Jan o gosbi Richard?

2 ddiwrnod ynghynt…

“LindAAAA!”

Os nagyw Tony’n ofalus neith e ffeindio’i hun adre ar ben ei hun â neb i’w helpu. Mae e’n bell o fod yn model patient…

Pam bo Richard adre heb Cerian…? A ddim yn fodlon ateb Jac? Apparently ma’ Cerian dal yn HD. Da i wybod fod hynna’n glir te… (meddyliwch am hynna).

A nawr ma’ Richard ar mission i ddatgelu’r gwir gan Jan. RÊJ! A ma’ Beti wedi dod i’w helpu! O… O’n i’n gobeithio base Beti’n cico’r drws lawr gyda ryw fath o ninja-cic.

Sgilie cudd Beti...

Na, Pat, paid byth â darllen tecst dy ffrind… Neith e ddim ond arwain at… O wel o’n i’n anghywir. Dyw Lynda ddim yn mynd i ddatgelu’r gwir, ma’ Pat wedi mynd yn syth at Tony! Dyma SÎN!

Na, dyma cwôt y gyfres:
LYNDA: “Ti o’dd yn llenwi’r twll yn fy mhriodas i…”

#sgriptioanffodus

“Linda! Lindaaa! LINDAAAAA!”

Ta-ta Linda. O, a dyna ni eto: “Dy fai di yw hyn i gyd.” #clasur

NAAAA druan o Pat, ei ffrind wedi rhedeg off am showmans, gan ei gadael hi gyda dim ond Tony. The Odd Couple os bu un erioed…

Tybiaf fod Sali wedi bod yn dysgu gan Joey Tribbiani. Actio ‘gwynto’r rech’.

"Sori... Odych chi'n smelo... Ym...?"

Cer mla’n Jan… BYTA’R CAC! BYTA’R CAC! BYTA’R CAC! Na. Mae’n dychwelyd y gac / y cac… Siom.

- Ma’ gan Jan elynion ym mhobman ond pwy yw’r un sy’n euog?

- A fydd Pat yn nyrsio Tony nôl yn iach, neu ydy hwn am droi allan fel Misery?

- Pwy fydd yn byta’r gacen ma’ Jan wedi’i ddychwelyd?

- A geith Caroline a Huw drafferth am yr arian ma’ Bobo wedi’i roi iddynt, ac o le ddiawl ddaeth e?

- Pwy roiodd olew ar olwynion beic Melodi?

Dyma ni gydag un bennod i fynd, a Chrud-yr-Awel mor boeth a Chracatoa bois bach!

#35diwrnod

@35diwrnod

@alunsaunders

PENNOD 6 / EPISODE 6

SCROLL DOWN AND READ MORE>> FOR ENGLISH

BLOG PENNOD 6

7 diwrnod yng nghynt…

Ma Tony off i ddechreuad da, ac yn styrran ar ei orau drwy ddatgelu’r gwirionedd am gostau rhent ei dŷ wrth Huw. Amser am drafodaeth ‘ysgafn’ gyda Caroline, ie ie?

Yn ôl y sôn, ma’ ‘na reol bisâr ymysg sgriptwyr sy’n dweud: ym mhob cyfres ddrama Gymreig, rhaid bod o leiaf un person yn yngan y geiriau “DY FAI DI YW HYN!” 

A dyma ni.

Yn ôl ei wraig, ‘unig ddewis’ Huw yw i werthu’r cyffuriau ‘naeth e guddio mewn boncyff ym mhennod un. ‘Sen i’n bersonol yn trïo cael sgwrs fach gyda HSBC* cyn trïo gwerthu llond parsel o ddrygs, ond dyna ni, ni gyd yn wahanol ondy’n ni?

*mae banciau a sefydliadau ariannol eraill ar gael. Oll cyn waethed â’i gilydd.

Ma’ Pat druan fel Sinderela o gwmpas y tŷ ‘na… A siom iddi heno wrth glywed fod Lynda wedi bod yn dweud celwydd wrthi. Na! Wy’n joio’r ysgafnder yn y cyfeillgarwch ‘ma - sa’i ishe gweld nhw’n cwympo mas nawr.

JAN JAN JAN! Be’ ti’n blincin’ neud? 

Dyw Jan ddim yn hapus gyda Richard, yn amlwg, ac anelu’r dryll ato… Wel, trwy drws y bathrwm wrth gwrs. Tipyn o rwystr fynna.

Joio’r ffaith ‘mod i ddim cweit yn gwybod 100% ei bod hi ddim am dynnu’r clicied.

6 diwrnod yng nghynt…

Aeth ddoe yn sydyn, do? Rhaid mai dydd Gwener oedd hi.

Ma’ Huw ‘di ffindo hanner y rhent, gyda’r gweddill yn dod ar ddiwedd y mis. Gobitho na gath e pay-day loan gydag interest o 3758%. Aw.

CAR CHASE CAR CHASE CAR CHASE!

Yn ei gwisg goch NEIDIODD Jan o'r car fel fflach...

Dwi newydd sylwi, gyda holl dristwch a chymysgwch emosiynol Beti wedi marwolaeth Gruff, ma Ben i weld yn llawer fwy stable. Dyw e ddim wedi cyffwrdd â’r origami ers wythnose… Diddorol.

Beti y’n ni’n galw’n mam ni hefyd. Petai hi hanner mor siaradus a di-stop â hon, se’n i wedi’i gyrru hi draw i Shady Pines ymhell cyn hyn…

Ma Jan mewn picil nawr, ma Mark (neu ‘Boi y Gwn’) wedi’i dilyn ac yn achosi bach o sîn ar Crud-yr-Awel. AHAAAA… Nawr te, ma’n amheuon ni’n dechre cael eu datrys a’u hateb. O’n i wedi amau fod perthynas rhwng Jan a Mark o ryw fath.

Ma Jan yn teimlo’n euog am berswadio ‘Rachel’ i fynd i dribiwnlys… A Rachel oedd CHWAER JAN. Reeeeeeit…!

Ma’ Caroline yn addo ar ‘fywyd ei phlant’ na ddaw ei brawd Bobo yn agos at eu cartref. Hmm…

Diwrnod arferol arall gyda Caroline a Huw

Os mai ‘Bobo’ fase enw ‘mrawd i, ‘sen i ddim yn moun iddo fe ddod yn agos chwaith.

A nawr ma Huw wedi spotto Mark yn gadael tŷ Jan ac yn cael panic. Ma’r cylch yn cau. Bring it on.

Wel, ma’ heddi’n ddiwrnod o sîns ar y stryd. Ond diolch i sîn fach Beti, ma’r cwestiwn wedi codi rhwng Jan a Richard am ei affêr gyda Rachel, a mae e’n ei wadu’n llwyr…  A wy’n ei gredu e! Beti oedd yn rhoi dou a dou at ei gily’ medde Richard, felly nawr ma’r dirgelwch yn dwfnhau - oes e lawer mwy i’r stori nag oedden ni’n ei feddwl??

Ma’ Ben yn dwed fod Jan yn dweud fod Richard yn dweud fod yr arian yn y sied… Waw.

AC MAI RICHARD OEDD YN BLACMEILIO GRUFF! Ife? A lle mae gweddill yr arian? A nawr ma Beti wedi darganfod y gwenwyn…

Dyma ‘Bobo’… Brawd Caroline. Mae e’n rhydd o’r carchar (jiw jiw ffast turnaround!) ac o bosib ma’ ‘na ddiolch mawr i Huw am hynny. Wpsi… A dyna syrpreis, ma’ Caroline wedi torri’r addewid ‘naeth hi ar fywyd ei phlant. ‘Udishido…

Ma Beti’n brysur gyda’r gacen tail a brethyn i Jan…

Beth yw ‘busnes’ Tony? Dwi’n tybio ‘sa Tony’n neud cystadlwr amêsing ar The Apprentice eleni…

Ma’ pawb yn dweud celwydd wrth ‘i gilydd ar y clos a Jan yng nghanol y wê erbyn hyn. Ar wahan i’r car sy’ newydd rifyrsio dros Tony…

Y CAR SYDD NEWYDD RIFYRSO DROS TONY?! WAH!

Na, nid Tony ‘druan’… Jyst Tony. Wps.

(kudos, gyda llaw i Rhys ap William sy’n fachan neis o Gwm Tawe sy’n llwyddo i whare bachan mor ychapych â Tony

Ma’ hyn nawr yn gêm o statws a chelwydd… A’r bennod nesa’ yn edrych yn schamazing!

Y cwestiynnau sydd i’w hateb felly:

- Ai Richard oedd yr un oedd wir yn blacmeilio Gruff?

- Lle ma gweddill arian Gruff?

- Pam ddiawl fod Gruff yn cadw jar o wenwyn yn ei sied??

- Richard neu Jan sy’n dweud y gwir am yr affêr?

- A fyddwn ni’n gweld nyrs Pat yn gwthio Tony o gwmpas mewn cadair olwyn wythnos nesa…? Chi jyst yn gwbod fydd ganddi'r rigowt perffaith...

"Tony, cariad... Ti'n barod am dy bed bath...?"

#35diwrnod

@35diwrnod

@alunsaunders

PENNOD 5 / EPISODE 5

SCROLL DOWN AND READ MORE>> FOR ENGLISH

BLOG PENNOD 5

9 diwrnod yng nghynt…

Jan, Jan, ble mae dy dan?

Wel, fel ‘air hostess’ (neu rep Butlins) ‘sech chi’n meddwl ei bod hi’n dala BACH o liw haul…?

Y’n ni’n dechre gweld fod ‘na gysylltiad cryf rhwng Jan â Richard… Ond bo ni ddim yn siwr beth yw ei natur eto. Wythnos dwetha mi oedd Jan yn dangos cryn dipyn o ddiddordeb yn ei chymydog a’i hanes… Wedi dweud hynna ‘dwi’n neud rywbeth tebyg, ond ‘sgen i ddim cyfrinachau… O na… Dim byd…

Cerys yw enw’r ferch fach ry’n ni wedi’i gweld yn lluniau Jan - ei merch hi yw hi tybed? Neu ryw gysylltiad llai amlwg? Ma Jan yn cael brecwast gyda dyn ifanc - dyn sy’n disgwyl am ei swyddog profiannaeth (ie - probêshyn), a phwyntiau bonws os gofioch chi pwy yw hwn… Ie! Y dyn ifanc welon ni yn rhoi’r parsel i Huw yn y bennod gyntaf! Jiw ma hwn fel join the dots go iawn. A nawr mae e wedi derbyn parsel ei hun.

Dirgelwch newydd i ni: ma’ gan Jan wisg nyrs neu ryw fath o staff feddygol ymlaen nawr…

Am y resymau cywir, ‘dwi ffili help ond chwerthin pan wela’i Pat… NID chwerthin am ei phen, dwi’n hynod falch o ddweud, ond chwerthin gyda'r disgwylgarwch o beth wedith hi wrth Tony heddiw…? Ma Pat yn iawn - ma Tony wedi codi’n gynnar, ond ife fe oedd y cysgod digon shady welon ni’n cripan yn crîpî o gwmpas cartref Jan?

O’r diwedd ma’ Ben wedi dechre archwilio manylion ariannol Gruff… Ac wedi darganfod fod yna arian ar goll! Ma Ben a Beti wrthi’n ceisio darganfod be’ ddigwyddodd i’r £4500 dynnodd Gruff o’r banc, ond beth alle fe fod wedi neud ag e?

Car ail-law?

Gwylie i’r Seychelles?

Upgrade i’r sied?

Wedes i bo Cerian yn gymeriad fach ddiddorol, do? Mae’n byw reit yng nghanol un o brif ddirgelwc… ddirgelych… Mistyrîs y gyfres. Hi nawr yw’r ditectif sy’n mynd ati i ddarganfod y gwirionedd tu ôl achos llys Richard. ‘Dwi’n tybio mai drwy ei harchwilio hi y down ni i wybod y gwirionedd.

“Sori Caroline, ti oedd yn iawn…” - y linell doedd neb yn ei ddisgwyl.

Ma’ Huw a Caroline yn amlwg wedi nabod ei gilydd ers amser maith iawn, ers ysgol yn ôl eu sgwrs.

Sali… Wedi gwahodd Jan draw am swper… Nawr ma hynna’n annisgwyl. Dyw’r drafodaeth ddim yn llifo’n hawdd yna odyw e? Tybio mai ‘3’ base nhw’n cael ar Come Dine With Me. Os yn lwcus. Ma Cerian yn amlwg yn anesmwyth, ond ma’r tŷ yma mor llawn eliffantod ym mhob ystafell ma’n anodd dechre sgwrs o gwbwl… A ma hi “wedi neud rhwbeth ofnadw…” BETH?! GWED BETH!

8 diwrnod yng nghynt…

Diwrnod y shoot i Pat a Lynda. Weden i y base diwrnod allan gyda’r ddwy ma’n yffach o laff. Os nad oes sgôp i gael ail gyfres o 35 Diwrnod wedyn wy o leia’n gobeithio neith S4C fuddsoddi mewn cyfres dditectif newydd gyda Pat a Lynda…

£6400!! Mae ar Caroline £6400 i Tony, ac wrth ei sŵn hi, dyw Tony ddim yn hapus gyda’u ‘trefniant’ ragor.

Wedi gweld gymaint yn dalach ma’ Pat na Tony, falle mai small man syndrome sydd ar Tony. Taldra, hynny yw… Ahem…

O Beti… Do’dd dy dŷ di ddim yn ddigon od gyda gor-origami-eiddio Ben, ti hefyd wedi neud i’r gegin edrych fel teyrnged i ‘Child’s Play’. Weloch chi erioed unrywbeth mwy sinistr yn eich byw??

Arhoses i mewn B&B yn Nhywyn unwaith oedd â chasgliad tebyg mewn cabinet ar ben y stair.

Fydda’i ddim yn rhuthro nôl yna.

Beth bynnag yw hanes Richard a Jan, dyw hi’n amlwg ddim wedi’i bygwth ganddo, neu fel arall mae’n llwyddo i guddio hynna’n eithriadol, ond hefyd dyw Richard ddim wedi’i fygwth ganddi hithe, felly BETH SY’N BLINCIN DIGWYDD RHYNGON NHW?!

O Tony… Na, na, na…! Wy’ wir yn gobeithio y daw rhywun yn iachawdwr i drigolion Crud-yr-Awel, oblegid ma pawb ar bach o self-destruct ar y foment… ‘Dwi ddim yn hollol siwr sut neith unrywun bara’n fyw tan bennod 8 ar hyn o bryd, ma’ ‘na gymint o densiwn.

Ma’n debyg bo ‘Roger’, cyfarwyddwr gwaith Pat a Lynda wedi cael gwared ar Pat wedi iddo gynnig rhoi’r jobyn actio iddi. Paid â phoeni, Patricia fach, nes i weithio gyda chyfarwyddwr o’r enw Roger o’r blaen - na’th e fynnu fy ngalw i’n A-Laugharne*. Falle taw’r un boi yw e.

*stori hollol wir

Dyw Ben braidd yn medru agor drws ‘i lofft oherwydd adar orifflipingami, tra bo’i fam yn iste yng nghanol y dolie… Yn gweu… Dyw’r broses alaru ddim wedi bod yn garedig iddyn nhw…

Draw yn y llofrudd-dy, ma’ Jan yn iste’n dawel yn llefen yn y lolfa, nepell o’r man lle fydd ei chorff yn gorwedd ymhen 8 diwrnod. Richard yw’r un sy’n dod i’w chysuro.

A nawr, Jan fach, ti ‘di ychwanegu arf newydd i’r bwrdd Cliw, do?

Felly:

• Me Beti druan ar ben ei thennyn a chyda lolfa llawn doliau digon disturbing i roi siom farwol i unrywun… Fel Jan…
• Ma’ Cerian yn dod i wybod cyfrinachau’r teulu’n ara deg, ond faint o ddicter mae’n cuddio dan yr arwyneb?
• Ma’ gan Tony dipyn o obsesiwn gyda Jan, ond heb i ni weld, ai denu’n agosach neu ei rybuddio i ffwrdd am byth ‘naeth Jan?
• Beth oedd party trick Sali
• Poor Beti is at the end of her tether, surrounded by a loungefull of dolls, terrifying enough to give anyone a fatal shock… Jan, for instance…
• Cerian has come to know more of her family’s secrets, but how much anger and frustration is bubbling away beneath the surface?
• Tony seems to have a strange obsession with Jan, but having not seen what really happened, did she draw him closer or warn him off forever?
• What was Sali’s party trick after the dinner party…? Theyr’e keeping us guessing…

Be' am drydar eich sylwadau:

#35diwrnod

@35diwrnod

PENNOD 4 / EPISODE 4

SCROLL DOWN & READ MORE>> FOR ENGLISH

BLOG PENNOD 4

Newyddion gore'r wythnos oedd bwmpo mewn i Siwan Jones na'th greu'r gyfres. Ges i sgwrs neis a 'naeth hi ddim torri'r un o 'mreichie i... Sêl bendith i gario 'mlaen i flogio te!

16 diwrnod yng nghynt...

Jan, Jan, be ‘di dy sgam?
Ma' hi nôl adre yn ei gwisg… Ond pam bo pawb yn cymryd mai flight attendant yw hi? ‘Sneb wedi meddwl am yr opsiwn arall, odyn nhw?

Ma’n edrych felse rhywun wedi gadael i’r gawod i redeg tra bo hi i ffwrdd... Ym Mutlins... A ma’n ymddangos fod un o hen sanau Richard yn plygio’r draen...
#whensocksniffinghabitsgowrong

'Dwi ddim cweit yn gallu gweithio mas beth yw thema’r parti draw gyda Linda a Tony. Ma’n edrych yn hwyl, ond Pat sy’n ennill y wobr am y wisg ore: 'Memoirs of a Geisha'. Dim esboniad, jyst gwisg ffantastic. Blydi brilliant.

Ma Tony’n sicr â bach o thing am Jan… Siwr fod e’n ei gweld hi fel dipyn o her. Ai dyma’r fenyw gynta i wrthod Tony a’r tan trofanaidd tybed? Falle mai hoff o’r gêm yw e.

RICHARD: “Be ti’n moun i fi weud Sali? So ti ‘di neud dim byd ond conan ers i ni fod ‘ma…”
…Ac ers pennod un gwboi… 
Dyw Sali ddim y fenyw hapusa. A dweud y gwir, ma hi stret allan o Dallas / Dynasty / Knots Landing / Pobol y Cwm / Con Passionate / Teulu... Wel, ch'mo be fi'n feddwl...

HAHAHA! Nos Galan gyda Beti a Gruff. Rêf go iawn. ‘Sdim rhyfedd bo well gan Gruff ishte mas yn y sied yn ticlo’r picl.
Rhaid bo Ben lan stair yn plygu'i pelican yntau.
No pun intended.

Ma Caroline yn gymeriad onest iawn. Onest a chrac. Onest a chrac a ryff. Sai’n moun gweud mai nid hi yw’r llofrudd - mae’n amlwg yn grac ac yn casau Jan - ond sai’n credu bydde lot o obeth gyda hi gadw’r peth yn dawel. Teimlo falle y base hi’n neud tipyn o ddrama am y peth…

AAAH! Creepy creepy Tony wrth y drws ETO… 

35 Diwrnod neu Ghostwatch...?

Ah, wedi dod i checo fod Jan yn ‘oreit’. O Tony… Diolch am roi ‘LOL’ mwya’r gyfres hyd yn hyn i ni: “Ti’n lesbian neu be’?” Wel wrth gwrs Tony bach, sut arall yn y byd bydde hi’n medru gwrthod dyOJIWJIWMAFEWRTHIDACAROLINE! Ma’r ddou ma’ fel dou Jack Russell bach. O leia ma’ nhw’n joio sbo…

"Tony! Tony!"
"Caroline! Caroline!"

15 diwrnod yng nghynt...

‘Smo ni ‘di gweld digon eto o Cerian yn 'y marn i. Druan ohoni, mae’n byw gyda'r rhieni gwaetha ers Home Alone... Na, hang on, dwi'n anghofio am Caroline a Huw... dou riant sy’n casau’u gilydd a’i brawd mawr hi’n ddim lot o gwmni. Beth yw ‘i chyfrinache hi te? 

Gutted. Ma’ Pat wedi colli gwisg y geisha, ond ma'i deinameg hi a Tony yn ffrwydrol. Fi’n moun bod yna pan ma’ popeth yn cico off.
Tu ôl i ffenest gryf.
Mewn riot gear.

Pam bo fi methu darllen perthynas Jan a Richard?? Ma ‘na rywbeth yn mynd ymlaen, ond do’s gen i ddim syniad be! 

Ah, dyma fe… Yr origamifeistr ei hun. Neis i Jan gael ymuno â teulu hapusaf y clos. Jôc. Yn enwedig gan iddi DAFLU cacen gynta Beti’n yfflon i’r bin sbwriel. Ma llaw Ben yn dal i neud dolur ar ôl iddo feddwl mai pice ar y mân oedd e wythnos dwetha’. O leia gyda’i law mewn rhwymyn fydd ‘na lai o compulsive origami’n digwydd. ‘Sna ddim lle ar gyfer yr un garan arall ar y nenfwd.

HEDDLU HEDDLU HEDDLU BETH PAM PRYD SUT BLE?!

10 diwrnod yng nghynt...

NA!! Pwy sy ‘di mynd?! Fflipin ec, Beti sy’n sefyll dros yr arch, ond arch pwy? Wel, mae’n ymddangos na fydd yr hen Gruff yn defnyddio’i siswrn fawr i wneud llawdriniaeth o unryw fath. Dyma gael gwared ar un o’r rhai dan amheuaeth… Ond eto i gyd, gyda Beti wedi rhoi gymaint o bwysau ar Ben i fod yn neis wrth / denu Jan, a fydd marwolaeth ei dad yn gwthio Ben i wneud rhybeth byrbwyll?
(na, nid dysgu sut ma neud brogaod o bapur).
Ond hefyd nawr, gyda laptop Gruff wedi’i losgi’n ddeilchion, a newn ni ddarganfod pwy ddiawl oedd yn bygwth datgelu’u luniau?

Well there’s a turnup for the books… Jan yn cynnig lifft i Tony?? Paid a chodi dy… Obeithion gwboi…

Richard - be ti’n neud yn sied Gruff? Ha! ‘Se ti’n gwbod be fydde Gruff yn arfer neud baset ti ddim yn ishte lawr mor gyfforddus yna.

Www nawr te diolch i Alex, cyn-wraig/bartner Ben, y’n ni’n cael ychydig mwy o wirionedd am Beti. Be sy’n mynd ymlaen o dan yr arwyneb siaradus, sidêt yna?

Dyma Huw yn cyrraedd adre ar ôl ei wrandawiad yn y gwaith. Sai’n credu fod newyddion da gydag e. Dim ond dyfalu. Os yw e’n ddyn despret (a c’mon, ma’r boi yn briod â Caroline) wedyn pwy a wyr pa mor anghyson fydd e? Y’n ni’n gwbod yn barod nad yw e’n ffan o Jan…

Beth y’n ni wedi’i ddysgu’r wythnos hon?
- Gafodd Richard affêr yn y gwaith, ond yn bwysicach fyth, mi gyflawnodd y ferch hunan-laddiad wedi hynny. Pa effaith gafodd hynna ar Richard, a sut ma Jan mor wybodus am yr holl beth? JYST drwy’r papur newydd?
- Nid Gruff laddodd Jan… Ond pa effaith geith ei farwolaeth ar Ben a Beti, ac a gaiff Jan y bai am wirioneddau a ddatgelir wedi hyn i gyd?

- Tybed a fydd rhwystredigaeth rhywiol Tony'r teigr yn arwain at ffrwydrad ffrywiol*?

*ddim yn air go iawn ond o'n i'n rili joio'r cyflythrennu.

#35diwrnod

@35diwrnod

PENNOD 3 / EPISODE 3

SCROLL DOWN & READ MORE>> FOR ENGLISH...

BLOG PENNOD 3

Diddorol - mae’r sylwadau a’r drafodaeth ar Twitter wedi’i rhannu’n ddwy - “Hynod ddiddorol” a “Rhy araf”. Sa’i wedi cyfrannu i’r gyfres, ond se’n i’n gofyn: nagyw hi LOADS gwell i ddarganfod pethe am bob cymeriad yn slow bach drwy’r bennod a thrwy’r gyfres? Nage 'drama' yw ffeindio popeth mas am bawb yn ystod pum munud gynta pennod un…

Dwi'n gweld eisie 'Teulu'. Eniwei...

25 diwrnod yng nghynt…

PWY yw Jan? Mae gan bawb arall rywun maen nhw’n rhannu ty gyda nhw / rhannu gwely gyda nhw / trafod y bydysawd gyda nhw, ond nid Jan. Gyda Jan ma angen i ni aros a bod yn amyneddgar, wy’n teimlo, er mwyn darganfod mwy. OND WY ISHE GWBOD NAWR.

Uh-oh, pwy ma Tony’n anelu am gyda’i wn hiwj y tro hwn…? Dyna ni. Jet wash yw hi. O’n i wastod wedi tybio falle fod Tony’n poeni am faint ei ddryll, a dyma’r prawf falle. Mae e’n dipyn o ferchetwr, ond sut mae e’n eu cael nhw?

Aha ma Caroline wedi dial ar ei gwr am iddo werthu’i char. Retail therapy

Dyma Ben. Ben, druan, sy’n pendroni rhwng aros yn y gegein gyda Beti, ei fam a’i pharablu di-stop, a’r ystafell wely mwya creepy ers The Excorcist. Ond gyda llai o chwd, a mwy o origami. Nes i ychydig o ymchwil fewn i gymeriad Ben, ac er ei fod e’n arfer bod yn athro, na’th e roi crap ar fod yn ddylunydd ffasiwn.

Ond barodd e ddim yn hir.

Dyma Gruff yn neud creepy dyn-yn-y-coed acshyn. Chwilio am foch daear siwr o fod. A na! Allan yn cadw llygad ar y bin lle roiodd e’r sach o arian… Be wy ishe gwbod yw pwy o’dd ishe’r arian yna? Be sy’ gyda nhw yn erbyn Gruff? A pam ‘i fod e mor awyddus i gadw’r llun o’i fijibo yn gyfrinach? Ma Tony wedi codi drwgdybion Gruff am Pat, a’i bod hi angen arian am ei llawdriniaeth… Yn bersonol, dwi’n amau y base Pat ychydig yn fwy clyfar na hynna.

NA! PAT! Be sy’ ‘di digwydd? Ma cyfeillgarwch Pat a Linda yn ffefryn gen i. Pam wedodd rhywun fod “neb yn gwenu” ar ystad Crud-yr-Awel, se’n i’n anghytuno - ma’r ddwy ‘ma’n cal laff gyda’i gilydd. Ond wotsh owt Pat… Ma Gruff yn y sied eto gyda’i flowtortsh. Y’n ni’n gwbod yn union be’ mae e’n feddwl…

Sdim byd fel creme brulee i godi gwen.

Ma tueddiad gen i weithie i ddiystyrru’r cymeriadau hŷn, ond wy’n anghofio fod cymeriadau fel Beti a Gruff wedi byw bywyd hirach, wedi casglu mwy o sgerbydau ac yn cario lot mwy o ‘baggage’. Ma’ nhw wedi bod gyda’i gilydd ers blynyddoedd ond dy’n ni ddim yn ‘u gweld nhw’n ishte lawr i rannu’u teimladau a joio. 

NA! Ddales i hi… Ma Sali yn gwenu! Ac yn chwerthin! I fod yn deg ma’r speaking clock yn real laff ar ol peint neu ddou.

Be ‘wy WIR ishe gweld yn digwydd yw dou neu dri o’r cymdogion yn bwmpo mewn i’w gilydd yn y llwyni…

“O! Ymm… Helo. Noson oer, ondyw hi?”

“Ha! Ydy… O’n i jyst yn… Ymm… Whilo am… Fochyn daear! Ie. Mochyn daear.”

“Yr un yma?”

“Na. O’dd y’n un i’n fwy… Tew.”

Ma’ gan Richard a Jan hanes. Deffinit. Tro dwetha es i rownd i ddweud ‘Nadolig Llawen’ wrth gymydog newydd nethon nhw wenu a’i ddweud e nol… Ond dim ond edrych mor swrth â Kerry Katona pan fo’r siop jips wedi cau ‘naeth Jan. Y’n ni’n gwbod fod Richard dan y fawd ond pam, huh, pam?

“AAAAAAAAAAAAAAAAAAAAAAAAAAAAAAAAAARGH!!!”

Dywedaf eto:

“AAAAAAAAAAAAAAAAAAAAAAAAAAAAAAAAAARGH!!!”

oblegid dyma oedd fy actshiwal ymateb wrth i Ben anghofio mai nid pice-ar-y-man oedd ei law. Easy mistake. Ma’ stori Ben yn sicr yn un dwi ishe weld yn cael ei datblygu nawr - y’n ni’n gwbod ychydig baaach o’i hanes, ond beth yn union ddigwyddodd iddo?

Nawr te. Ma Jan wedi mynd i dŷ arall. Nage ystâd cyfoethog fel Crud-yr-Awel yw hon. Ac o, ma ganddi deulu yna! So ma’ Jan yn gwisgo’i dillad gwaith, yn gadael y tŷ ac yn mynd i weld teulu / ei theulu… Fally beth yw ei gêm hi?

22 diwrnod yng nghynt… DYDD NADOLIG!

Tymor ewyllys da yn wir, a wy’n siwr fod teuluoedd ar hyd a lled y wlad yn chwerthin wrth adnabod deinameg ‘Nadoligaidd’ Tony a Pat wrth y ford ginio. Ma’r tensiwn rhwng y ddou yma’n amazing. Cue Gruff yn torri ar draws y cyfan gyda’i offer llawdriniaeth ‘rustic’. Dyn ar ben ei dennyn… Ond y’n ni’n gwbod mai nid Pat sy’n ei chael hi yn y pen draw, felly be sy’n mynd i ddatblygu dros yr wythnosau nesa?

Ma Huw a Caroline ishe mynd i’r Maldives. Tocynnau’n barod. A’r cyffuriau yn y fforest. Dyma bicil. Bonnie a Clyde yr ystâd = yr unig bryd ma’ nhw i weld yn dod ymlaen â’i gilydd yw pan ma’ nhw’n cynllwynio. Ond jiw, ma’ nhw’n edrych fel tîm do dda. A se’n i ddim yn moun bod ar yr ochr anghywir iddyn nhw… Yn enwedig Caroline!

So:

- Ma’ Jan o hyd yn llawn cyfrinachau (hei, nagy’n ni gyd?) ond y’n ni’n amau nawr fod ‘na ryw fath o stori rhyngddi hi a Richard a bo bywyd dwbl ganddi. Dybl-o-Jan

- Dyw Ben ddim wedi bod yn cymryd ei feddyginiaeth, sydd ond yn mynd i gyfrannu at ei iselder. Lle all hwn arwain? Tebyg mai at fwy o origami…

- Dylen ni fyth, byth mynd yn agos at sied dŵls Gruff. Ma’n edrych fel 'Saw 8' mewn fynna… 

- Dyw Tony RILI RILI ddim yn lico sbrowts. Na Pat. Posib iawn fod Dybl-o-Jan wedi coginio llond cegin o sbrowts cyn i Tony cael rêj anferthol a mynd dros-ben-llestri. Tybed…?

Beth y’ch chi’n feddwl?

#35diwrnod

@35diwrnod